— Par Daniel M. Berté —
Viris vini an Vandrédi
fè valid valéré valsé
vann a vil pri lavi avan
fè viktim vilnérab volé
pran lavol jik o Valala
Viris vandal viris violè
« Veni vidi vici »
Vorien-a gaté lé vayan
lé vev lé vié kon lé vwazen
viris vini anpéché viv
Vakabon viré mové van
vilen varian ki pli violan
i vréyé vivan kay vermin
« Veni vidi vici »
« Vae victis »* ki vwayajé san mas
ek pa viv épi vré jes-bawriè
Vwalatilpa vwayou ek vwayel
ki voumvaké konsians a vid
vann lavi-moun dan dé vidé
ek vwéyé viris pli douvan
« Veni vidi vici »
Men lè dot vag viris vini
an vol moun vwéyé lavwa
« Vox populi, vox Déi »*
An vwazinaj konsians vansé
Ki fo fè viris voltijé
Si’y vini vif fo’y viré vié
« Veni vidi vici »
Savan chèché vaksen valab
pou volé an plim viris-la
ek vérifié la volonté
dé véyatif ki vijilan
pou vréyé-alé visié-a
ka vòlè lavi lé vivan
« Veni vidi vici »
Vaksen vini vites gran v
Yo vizé viris vòltijè
Yo fè voras-la vasiyé
Yo fè kovid vivè veksé
I fo vit fè kò’y vini vid
Viris ka’y viktim dé vaksen
« Veni vidi vici »