— Par Daniel M. Berté —
Sa man-yé ?
Man an soley
Man an lalin
Man an zétwal
Man an bètafé
Man an zié
Man an fidji
Man an sourir
Man an tet volkan pété
Man an flanm
Man an boukan
Man an lensandi
Man an fouyé-difé
Man an lanp
Man an flanbo
Man an méloulou
Man an lapawol
Man an zéklè
Man an létensel
Man an solawyòm
Man an lalouwé-di-jou
Man an bek
Man an alogèn
Man an lanpadè
Man an tib-néyon
Man an fa
Man an projèktè
Man an tet bouji kléré
Man an tout lasent jounen
Man an lespri
Man an lafwa
Man an lakonsyans
Man an koumansman
Man sé kimoun ?
Man sé ki bet ?
Man sé kisa ?
Man sé limyè !
Daniel M. Berté 310724m