— Par Daniel M. Berté —
Man tonbé blo !
Kon soula an dalo
Man blésé bobo-mwen
An fil-bawblé pikant…
Man lévé flap !
A la-vol-kon-zozio
Man grifantè solid
An jaden tjenbé-tjè…
Man tonbé blogodo !
Kodjè dou an labou
Man pété bol-jounou
Dan la dézespérans…
Man lévé floup !
Ti kolibri vayan
Man koré ek drésé
Rasin-kas an bon tè…
Man tonbé bouf !
Mango koko-bef mi
Man kongné zotey-mwen
Anlè souch démonyak…
Man lévé fioup !
Zéklè an mwa daou
Man pwenté ek matjé
An tras ladivini
Man tonbé bim !
Tètanba dan labim
Man pijé-dékatjé
An danmjann ladévenn
Man lévé fap !
A la krapo soté
Man pran pyé ek tijé
Adan bwa lanmitjé…
Man tonbé boudoum !
An dékalé zékal
Man glisé an labou
Ma la difikilté…
Man lévé voup !
Flè-lalin an soley
Man grandi ek pousé
An chan vidjozité…
Man tonbé bok !
Koko-sek anlè woch
Man maté fasanba
Drivayé anlè fal…
Man lévé flouz !
Plim pijon an volman
Man pézé-apiyé
An balans lanmourtjé…
Anlè chimen lavi
Man tonbé Man lév
Daniel M. Berté 231124