— Par Daniel M. Berté —
An gran-nonm ka gadé
An ti-bolonm jòdi
Asiz douvan télé
Ki ni portab tablet
Ka jwé épi manet
Epi i ka sonjé…
Sé an ti-bolonm nwè
Ka pran an sak bwano
Dé branch an pié kalbas
Nich-poulbwa ek fey-bwa
Pou pé fè an kalen
Pou sa péché kribich
Sé menm ti-bolonm-la
Ka kouri bò ragon
Eti bétjé matjé
“Prendre une canne c’est voler”
Pou’y sa rédi dé kann
Pou’y fè an bel siro
Sé ti-bolonm nwè-a
Ka trasé an-kanpan’y
Pou sa tjwiyi griyav
Zikak épi tjénet
Prin-sitè ek mango
Pou’y pé sa plen bouden’y
Sé ti-bolonm-tala
Adan lakou lékol
Ki ka fè zwel-séré
An foutbol-friyapen
Soté an kod-mawo
Jwé tek épi bloksek
Sé menm ti-bolonm-la
Ka plati an kapsil
Pou sa fè an yoyo
Ka pran an bwa-griyay
Mòso klou an fisel
Pou sa fè an topi
Sé an ti-bolonm nwè
Ki ka jwé o serso
Epi an jant békann
Ek an mòso fil-fè
Oben an roul-loto
Epi dé gran baton
Sé ti-bolonm nwè-a
Ki ka fè ti-loto
Epi an bwet-sadin
Ek bobbin-fil an bwa
Oben bonm luil-loto
Epi tjes lanmori
Sé menm ti-bolonm-la
Ka pran kok bwa-griyav
Bann lastik chanm vélo
Mòso tjwi an ti woch
Pou fè an labalet
Pou ay lachas zwézo
Sé ti-bolonm nwé-a
Ka alé lariviè
Pou sa planté létjet
Ka fè kalibanjo
Anlè an fey-koko
Ek ka fè solibo
Sé ti-bolonm tala
Ka pran mòso banbou
Ka pèsé’y pou fè flit
Ka pran dé ti kalbas
Epi ven grenn-légliz
Pou sa fè marakas
Gran-nonm-la ka sonjé
Lè’y té ti-bolonm-la
Manniè I té ka jwé
Ek ka di an lespri’y
Aprézan tan fè tan
Epi tan kité tan…
Daniel M. Berté 130723